Baramati Crime बारामती, (पुणे) : गावठी कट्ट्यासह जिवंत काडतुसे विकण्यासाठी आलेल्या एका तरुणाला बारामती शहर पोलिसांनी सापळा रचून ताब्यात घेतले असून त्याच्याकडून एक गावठी पिस्टल, तीन जिवंत काडतुसे, मोटारसायकल असा ७५ हजार रुपयांचा मुद्देमाल जप्त केला आहे.
विक्रम शरद माने (वय -२३, राहणार गुणवडी तालुका बारामती) असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार…!
बारामती शहर पोलीस ठाण्याचे वरिष्ठ पोलीस निरीक्षक सुनील महाडिक यांना एका खबऱ्याकडून माहिती मिळाली की, गुणवडी परिसरात एक युवक दोन दिवसापासून दुचाकीवर फिरत असून त्याच्याकडे अग्निशस्त्र आहे. तसेच तो अग्नि शस्त्र विक्री करण्याचा प्रयत्न करत आहे.
सदरची माहिती महाडीक यांनी महिला पोलीस उपनिरीक्षक संध्या देशमुख, सहाय्यक पोलीस निरीक्षक प्रकाश वाघमारे यांना दिली. त्यानुसार त्यांनी एक पथक तयार करून संशयित गाडीवर फिरणाऱ्या तरुणाला गुणवडी नदीच्या ब्रिजच्या जवळ पकडली. त्यास नाव विचारले असता त्यांनी त्याचे नाव विक्रम माने असे सांगितले.
दरम्यान, त्याच्याकडे अधिक चौकशी केली असता त्याने उडवाउडवीची उत्तरे दिली. त्याची झाडाझडती घेतली असता त्याच्याकडे एक गावठी पिस्टल, तीन जिवंत काडतुसे व मोटरसायकल असा ७५ हजार रुपये किमतीचा मुद्देमाल जप्त केला. सदर आरोपीला तीन दिवस पोलीस कोठडी रिमांड घेण्यात आले.
अधिक बातम्या वाचण्यासाठी येथे क्लिक करा….!
Baramati Crime | बारामतीत दहा ते बारा भटक्या कुत्र्यांचा दीड वर्षांच्या चिमुकलीवर हल्ला
