Loni Kalbhor Crime | लोणी काळभोर, (पुणे) : माझ्याशी लग्न कर नाहीतर जीव देतो असे म्हणत तरुणाने विषारी औषध घेतल्याचा व्हिडिओ बनवत तो तरुणीच्या मोबाईलवर पाठवला. तरुणाला काही झाले तर आपल्यावर कारवाई होईल या भितीने तरुणीने लॉजमध्ये पंख्याला गळफास घेत आत्महत्या केल्याचा प्रकार वडकी (ता. हवेली) येथे नुकताच घडला आहे.
आत्महत्या करण्यास प्रवृत्त केल्याप्रकरणी तरुणावर गुन्हा दाखल…
याप्रकरणी तरुणीस आत्महत्या करण्यास प्रवृत्त केल्याप्रकरणी तरुणावर गुन्हा दाखल करण्यात आला आहे.
मेहक सुनिल शिंदे (वय-२१, रा. कोंढवा) असे आत्महत्या केलेल्या तरूणीचे नाव आहे. तर अक्षय अरूण जोरे (रा. भेकराईनगर, हडपसर, पुणे) याच्या विरोधात लोणी काळभोर पोलीस ठाण्यात गुन्हा दाखल करण्यात आला आहे.
याप्रकरणी महेकची आई शोभा सुनिल शिंदे (५३, रा. कोंढवा) यांनी लोणी काळभोर पोलिस ठाण्यात तक्रार दिली आहे.पोलिसांनी दिलेल्या माहितीनुसार, आरोपी अक्षय व महेक या दोघांची एकमेकांशी ओळख होती.
अक्षय यास महेक हिच्याशी लग्न करावचे होते. दरम्यान त्याने रविवारी (ता. १६) माझ्याशी लग्न कर नाही तर मी जीव देतो असे म्हणत स्वतः विषारी औषध पिल्याचा एक व्हिडीओ तयार केला. तो व्हिडिओ त्याने महेकला पाठवला. तिने जेव्हा हा व्हिडिओ बघीतला तेव्हा महेक घाबरून गेली.
अक्षयला काही झाली तर आपल्यावर कारवाई याची भिती महेकला वाटू लागली. शेवटी याच भितीतून महेकने वडकी येथील हॉटेल विजयमधील छताच्या पंख्याला गळफास घेवुन आत्महत्या केली. पुढील तपास पोलीस उपनिरीक्षक हनुमंत तरटे यांच्या मार्गदर्शनाखाली पोलीस करीत आहेत.
अधिक बातम्या वाचण्यासाठी येथे क्लिक करा….!
Loni Kalbhor : लोणी स्टेशन येथील भाजीविक्रेत्यांची मुलगी झाली पोलीस दलात भरती
