Pimpri Crime | पिंपरी-चिंचवड : पिंपरी-चिंचवड शहरातील वाकड परिसरात सुरु असलेल्या स्पा सेंटरचा पोलीसांनी पर्दाफाश केला आहे.
पोलीसांनी चार महिलांची सुटका केली असून स्पा सेंटर चालविणाऱ्या एका महिलेला पोलीसांनी ताब्यात घेतले आहे. ही कारवाई वाकड पोलीसांनी गुरुवारी (दि. 20) सायंकाळी साडेचार वाजताच्या सुमारास ओंकार कॉलनी मधील कनक स्पा सेंटर येथे केली.
स्पा सेंटर मालक महिलेच्या विरोधात अनैतिक व्यापार प्रतिबंध कायद्यान्वये गुन्हा दाखल करण्यात आला आहे. पोलिसांनी एका महिलेला (वय 31, रा. नितीन हिंगोले यांच्या खोलीत, वाकड) येथून अटक केली आहे. महिला पोलीस अंमलदार यांनी वाकड पोलीस ठाण्यात फिर्याद दिली आहे.
मिळालेल्या माहितीनुसार, वाकडमधील दत्त मंदिर रोडवरील ओंकार कॉलनी मध्ये कनक स्पा सेंटरमध्ये स्पाच्या नावाखाली वेश्याव्यवसाय करण्यास महिलांना भाग पाडल्याचे समोर आले.
अटक केलेल्या आरोपी महिलेने कल्याण येथील दोन, खडकी बाजार आणि पिंपरी येथील दोन महिलांना पैशांचे आमिष दाखवून स्पा सेंटर मध्ये मसाजच्या नावाखाली वेश्या व्यवसाय करण्यास भाग पाडले.
दरम्यान, वाकड पोलीसांनी याबाबत माहिती मिळाली असता पोलीसांनी छापा मारुन कारवाई केली. यावेळी पोलीसांनी चार महिलांची सुटका केली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
Vaai Crime : शेतकऱ्यांची केबल चोरट्यांनी केली लंपास
Pune Crime : गाडीच्या काचा फोडून चोऱ्या करणाऱ्या परप्रांतीय टोळीच्या आवळ्या मुसक्या..
