Baramati Crime | बारामती, (पुणे) : ओढ्यातील मुरूम काढल्याच्या कारणावरून दोन गटात झालेल्या हाणामारीत परस्परविरोधी दिलेल्या तक्रारीनुसार सात जणांवर वडगाव निंबाळकर पोलीस ठाण्यात गुन्हे दाखल करण्यात आले आहेत. गुरुवारी (ता. ०६) सायंकाळी पावणेपाच वाजता भोंडवेवाडी (ता. बारामती) गावच्या हद्दीत ही घटना घडली आहे. यातील जखमींवर रुग्णालयात उपचार सुरू आहेत.
अक्षय आप्पासो कुतवळ यांनी दिलेल्या फिर्यादीवरून योगेश मल्हारी कुतवळ (रा. भोंडवेवाडी), मयूर दत्तात्रय कुतवळ व तुषार दत्तात्रय कुतवळ (रा. चांदगुडेवाडी, ता. बारामती) या तिघांना अटक करण्यात आली. अन्य एका अल्पवयीन युवकाचा गुन्हा दाखल झालेल्यांमध्ये समावेश आहे. तर मयूर दत्तात्रय कुतवळ यांनी फिर्याद दिली. त्यानुसार आदेश शामराव कुतवळ, आप्पासो नानासो कुतवळ व अक्षय आप्पासो कुतवळ (रा. कुतवळवाडी, ता. बारामती) अशी गुन्हा दाखल करण्यात आलेल्यांची नावे आहेत.
पोलिसांनी दिलेल्या माहितीनुसार, गुरुवारी (ता. ०६) सायंकाळी पावणेपाच वाजता भोंडवेवाडी गावच्या हद्दीत अक्षय कुतवळ यांनी दिलेल्या फिर्यादी वरून योगेश कुतवळ, मयूर कुतवळ व तुषार कुतवळ (रा. चांदगुडेवाडी, ता. बारामती) या घटनेत लोखंडी गज, दगड, जेसीबीचे बकेट यांचा मारण्यासाठी वापर झाला.
फिर्यादीत नमूद केल्यानुसार ओढ्यातील मुरूम काढू नका, असे म्हटल्याच्या कारणावरून चौघांनी त्यांना चिडून जाऊन, शिवीगाळ, दमदाटी करत लोखंडी गज, जेसीबीचे बकेटने खांद्यावर, पाठीवर, तोंडावर मारहाण करून फिर्यादी व त्यांचे वडील आप्पासा नानासो कुतवळ यांना गंभीर जखमी केले.
तर मयूर दत्तात्रय कुतवळ यांनी दिलेल्या फिर्यादीवरून आदेश कुतवळ, आप्पासो कुतवळ व अक्षय कुतवळ (रा. कुतवळवाडी, ता. बारामती) यांचा गुन्हा दाखल झालेल्यांमध्ये समावेश आहे.
आरोपींच्या शेतातील मुरूम फिर्यादीने जेसीबीने काढला असा गैरसमज करून घेत आदेश याने लोखंडी गजाने तर अन्य दोघांनी हाताने, लाथाबुक्क्यांनी फिर्यादी व योगेश मल्हारी कुतवळ यांना मारहाण करत जिवे मारण्याची धमकी दिली असल्याचे फिर्यादीत म्हटले आहे. याप्रकरणी वडगाव निंबाळकर पोलीस ठाण्यात सात जणांवर गुन्हा दाखल केला आहे. तपास पोलीस करीत आहेत.
अधिक बातम्या वाचण्यासाठी येथे क्लिक करा….!
Indapur News : इंदापुरातील बेळवाडीत अवकाळीने चंदन बागेचे नुकसान ; शेतकऱ्यांना मदतीची अपेक्षा..!
Baramati Crime : उंडवडीतील शेतकऱ्याच्या मृत्यूप्रकरणी दोन वायरमनवर गुन्हा दाखल..!
Vaduj News : भाजप सावरकर गौरव यात्रेला वडूज हुतात्मा नगरीत उदंड प्रतिसाद
