लोणी काळभोर (पुणे)- निशीकांत मनोहर काळभोर या हडपसर येथील 26 वर्षीय तरुणांने बाणेर परीसरातील एका लॉजमध्ये शनिवारी (ता. 30) रात्री गळफास घेऊन आत्महत्या केल्याचा धक्कादायक प्रकार पुढे आला आहे. निशीकांत काळभोर यांच्या आत्महत्येचे कारण मात्र पुढे आलेले नाही.
निशीकांत काळभोर हा हडपसर येथील भारती सहकारी बॅंकेत क्लॉर्क म्हणुन काम करीत होता. त्याची नुकतीच हडपसर येथुन दुसऱ्या शाखेत बदली झाली होती.
शनिवारी बॅंकेतुन सुट्टी झाल्यापासुन निशीकांत घऱाबाहेरच होता. दरम्यान 4 वाजनेच्या सुमारास बाणेर परिसरातील एका हॉटेल वजा लॉजमध्ये आत्महत्या केल्याची बाब पुढे आली आहे. सुरवातीला वरील प्रकार औंध मध्ये घडल्याचे समजले होते. मात्र वरील हॉटेल बाणेर हद्दीत होते.ब
पुणे शहर पोलिस घटनास्थळी पोचले असुन, पोलिसांनी निशीकांतचे प्रेत ताब्यात घेऊन, शवविच्छेदनासाठी पुण्यातील शासकीय रुग्णालयात नेले आहे. पुढील तपास पुणे शहर पोलिस करत आहेत.
दरम्यान, मुळचे लोणी काळभोरचे रहिवाशी असलेले काळभोर कुटुंबीय हडपसर परीसरात राहत होते. त्याचे लोणी काळभोर व परीसरात मोठा मित्र परीवार होता. निशीकांत याने आत्महत्या केल्याचे समजताच, मित्रमंडळीनी औंधकडे धाव घेतली आहे.
दरम्यान निशिकांत याने आत्महत्या केलेल्या खोलीत चिट्टी अथवा आत्महत्येचे कारण स्पष्ट होईल असा कोणताही पुरावा आढळून आलेला नाही.
