पुणे : जम्मू-काश्मीरमधील अमरनाथच्या पवित्र गुहेजवळ ढगफुटी झाली आहे. मिळालेल्या माहितीनुसार, या घटनेत पाच जणांचा मृत्यू झाल्याची भीती आहे. एनडीआरएफ आणि आयटीबीपीच्या टीम घटनास्थळी पोहोचल्या आहेत. मदत आणि बचाव कार्य सुरू आहे.
काही दिवसांपूर्वीच हवामान खात्याने अमरनाथमध्ये खराब हवामानाचा अंदाज वर्तवला होता.
अमरनाथ गुहेपासून दोन किलोमीटर अंतरावर ढगफुटीची घटना घडली. सायंकाळी साडेपाचच्या सुमारास सखल भागात ढगफुटी झाल्याचे सांगण्यात येत आहे.केंद्रीय गृहमंत्री अमित शहा यांनी या घटनेची दखल घेतली आहे. त्यांनी जम्मू-काश्मीरचे नायब राज्यपाल मनोज सिन्हा यांच्याशी फोनवर चर्चा केली.
मिळालेल्या माहितीनुसार, ढगफुटीनंतर प्रशासनाची टीम परिस्थितीचा अंदाज घेत आहे. सध्या नुकसानीचे कोणतेही अधिकृत वृत्त नाही.
पहलगाम पोलिसांचे म्हणणे आहे की एनडीआरएफ, एसडीआरएफ, आयटीबीपी आणि बचाव एजन्सीद्वारे बचाव कार्य सुरू आहे. आयटीपीचे म्हणणे आहे की काही जीवितहानी होण्याची शक्यता आहे. मात्र कोणतीही स्पष्टता नाही. बचाव पथके कामावर आहेत. इतर एजन्सीसह ITBP टीम बचाव कार्यात आहेत.
