शिरूर : Shirur Crime News : शिरुर शहरातील (Shirur city) गर्दीच्या ठिकाणी असलेल्या पोस्ट ऑफिस जवळून कारची (car) iभरदिवसा (broad daylight) काच फोडून (breaking the glass) चोरट्यांनी (thieves) २ लाख रुपये (2 lakh rupees)चोरून नेल्याची धक्कादायक घटना नुकतीच उघडकीस आली आहे. (Shirur Crime News)
शिरूर पोलीस ठाण्यात गुन्हा दाखल
याप्रकरणी मंगेश विठ्ठल महाडिक (वय ३४, रा. उक्कडगाव ता. श्रीगोंदा जि. अहमदनगर) यांनी शिरूर पोलीस ठाण्यात फिर्याद दिली आहे. त्यानुसार अज्ञात चोरट्यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी मंगेश महाडिक हे त्यांच्या वैयक्तिक कामानिमित्ताने शिरूरला कार (क्र.एम एच १२ जे ई ०७०७) घेऊन आले होते. महाडिक यांनी त्यांची कार शिरुर येथील पोस्ट ऑफिस जवळ दुपारच्या सुमारास लावली होती. त्यांनी कारच्या शीट मध्ये २ लाख रुपये पिशवीत गुंडाळून ठेवलेले होते.
दरम्यान, महाडिक हे त्यांचे काम करून गाडीजवळ आले असता, त्यांना कारची काच फुटल्याची दिसली. त्यांनी तातडीने कार उघडून पाहणी केली असता कारच्या शीट मध्ये ठेवलेली २ लाख रुपये आढळून आले नाहीत.
याप्रकरणी मंगेश महाडिक यांनी शिरूर पोलीस ठाण्यात फिर्याद दिली आहे. त्यानुसार अज्ञात चोरट्यांच्या विरोधात गुन्हा दाखल करण्यात आला आहे. पुढील तपास शिरूर पोलिस करत आहे.
