(koyta Gang ) पुणे : शहरात पुन्हा कोयता गॅंग (koyta Gang )सक्रिय झाली आहे. उत्तमनगर भागात आम्ही एरिया मधील भाई म्हणत चार तरुणांनी कोयते घेऊन दहशत माजवली आहे. यामुळे परिसरात भीतीचे वातावरण पसरले आहे. दरम्यान पोलिसांनी या चारही जणांना पुणे बेड्या ठोकल्या.
चंद्रकांत सुतार (३०), सूरज गायकवाड (२२), राहुल धोडगे (२८), अथर्व यनपुरे (१९) असे अटक केलेल्या आरोपींची नावे आहेत.
पोलिसांनी दिलेल्या माहिती नुसार, चारही आरोपी मद्यधुंद अवस्थेत असताना त्यांची कोणाशी तरी शाब्दिक बाचाबाची झाली. त्यानंतर अरोपींनी मिळून त्या व्यक्तींना शोधण्यासाठी उत्तमनगर भागातील कोंढवे धावडे परिसरात आले. परिसरात येताच त्यांनी त्यांच्या जवळील कोयते काढले आणि दुचाकीवरून परिसरात दहशत माजवली. “आम्ही या एरिया मधील भाई आहोत, कोणी आमच्यामध्ये आले तर खल्लास करून टाकू” असे म्हणत त्यांनी नागरिकांवर कोयते उगारले.
दरम्यान, आरोपींनी एका दुकानातील फ्रिजवर पडलेला पेव्हर ब्लॉक मारला. या घटनेमुळे परिसरात काहीसा तणाव निर्माण झाला होता. काही वेळ गोंधळ घातल्यानंतर आरोपी निघून गेले. पोलिसांनी माहिती मिळताच आरोपींना बेड्या ठोकल्या. पुढील तपास पोलीस करीत आहेत.
