छत्रपती संभाजीनगर : ज्या ठिकाणी ७ वर्षापूर्वी आईचा अपघातात मृत्यू झाला होता, त्याच ठिकाणी मुलाचा अपघातात मृत्यू झाल्याची धक्कादायक घटना छत्रपती संभाजीनगर मध्ये घडली आहे. मायलेकांचे तब्बल ७ वर्षानंतर एकाच ठिकाणी अपघातात मृत्यू झाल्यामुळे नागरिकांमध्ये वेगवेगळ्या चर्चांना उधान आले आहे. या घटनेनंतर परिसरात हळहळ व्यक्त केली जात आहे.
सोहम निरज नवले असे अपघातात मृत्यू झालेल्या मुलाचे नाव आहे.
मिळालेल्या माहितीनुसार, सोहम नवले हा बहीण आणि वडील झोपल्यानंतर गुपचूप गाडी बाहेर काढून निघाला होता. सात वर्षांपूर्वी आईचा अपघातामध्ये मृत्यू झाला होता, त्याच ठिकाणी सोहमचा देखील कार अपघात होऊन रात्री मृत्यू झाला आहे. हा अपघात सर्वांना विचार करायला लावणारा आहे.
दरम्यान, या घटनेची माहिती मिळताच पोलीस तातडीने घटनास्थळी दाखल झाले. पोलिसांनी मुलाचा मृतदेह जवळच्या शासकीय रुग्णालयात शवविच्छेदनासाठी दाखल करण्यात आला आहे. पोलिसांनी घटनास्थळावरून मुलाचा मोबाईल आणि इतर काही संशयास्पद वस्तू ताब्यात घेतल्या आहेत. पुढील तपास पोलीस करत आहेत.
जिथं आईचा सात वर्षापुर्वी मुत्यू झाला होता. त्याचं ठिकाणी मुलाचा मृत्यू झाला त्यामुळे कुटुंबियांसह नातेवाईकांना मोठा धक्का बसला आहे. एकाच जागी मायलेकरांचा मृत्यूमुळे परिसरात चर्चेला उधान आले आहे.
