पुणे : तीन वर्षाच्या एका लहान चिमुरडीचा गळा आवळून खून केला. त्यानंतर तिचा मृतदेह रस्त्यावर फेकून दिल्याची धक्कादायक घटना खडकी परिसरात गुरुवारी (ता. ०२) दुपारी साडेतीन वाजण्याच्या सुमारास घडली आहे.
पीडितेची ओळख पटलेली नसली तरी मृतदेह शवविच्छेदनासाठी ससून रुग्णालयात पाठवण्यात आला आहे. खडकी रेल्वे स्थानक ते खडकीबाजारकडे जाणाऱ्या रस्त्याच्या दक्षिणेकडील सीएएफव्हीडी मैदानाजवळ हा मृतदेह मिळून आला आहे.
या घटनेप्रकरणी पुणे पोलिसांनी अज्ञात व्यक्तीविरुद्ध खुनाचा गुन्हा दाखल केला आहे. पीडितेची ओळख पटलेली नसली तरी मृतदेह शवविच्छेदनासाठी ससून रुग्णालयात पाठवण्यात आला आहे.
मिळालेल्या माहितीनुसार, खडकी रेल्वे स्थानक ते खडकीबाजारकडे जाणाऱ्या रस्त्याच्या दक्षिणेकडील सीएएफव्हीडी मैदानाजवळ गुरुवारी दुपारी एका चिमुरडीचा मृतदेह मिळून आला असल्याची माहिती पोलिसांना स्थानिक नागरिकांनी दिली होती. घटनास्थळी आल्यानंतर मुलीचा गळा आवळून खून झाल्याचे त्यांच्या लक्षात आले. मुलीचा मृतदेह आढळल्याने संपूर्ण छावणी परिसरात खळबळ उडाली आहे.
दरम्यान, वरिष्ठ पोलीस अधिकाऱ्यांनी घटनास्थळी भेट देऊन तपासाचे निर्देश दिले आहेत. हत्येमागचा हेतू अद्याप अस्पष्ट असला तरी पोलिसांनी पीडितेची ओळख पटवण्यासाठी मदत करण्यासाठी कोणाला माहिती असेल त्यांनी पुढे येण्याचे आवाहन पोलिसांनी केले आहे.
