पुणे : हांडेवाडी रस्त्यावरील वाघजाई मंदिराजवळील भाजीमंडईला आग लागली आहे. ही आग मध्यरात्री (ता. २१) सुमारे दोन वाजण्याच्या सुमारास लागली आहे. या आगीत सुमारे सव्वाशे स्टॉलधारकांचे मोठे नुकसान झाल्याची माहिती आहे. ही आग कशामुळे लागली हे अद्याप समजू शकलेले नाही.
मिळालेल्या माहिती नुसार ,हांडेवाडी रस्त्यावरील वाघजाई मंदिराजवळील भाजीमंडईला मध्यरात्री (ता. २१) सुमारे दोन वाजण्याच्या सुमारास लागली आहे. या आगीमध्ये व्यापाऱ्यांचा भाजीपाला, फळे, इतर साहित्य, हातगाड्या व दोन तीनचाकी वाहने जळून खाक झाली आहेत.
मंडई बंद झाल्यानंतर येथे कोणीही राहत नसल्याने जीवितहानी झाली नाही. या आगीत सुमारे सव्वाशे स्टॉलधारकांचे मोठे नुकसान झाले अग्निशामक दलाच्या जवानाने आग विझवली आहे.
