पुणे : पुण्यातील कोरेगाव पार्कमध्ये असलेले गुगलचे ऑफिस उडवून देण्याची धमकी देणारा फोन कॉल आल्यामुळे एकच खळबळ उडाली. कोरेगाव पार्क येथील गुगल ऑफिसच्या बिल्डिंग मध्ये बॉम्ब ठेवल्याचा फेक कॉल रविवारी (ता.१२) एका व्यक्तीने केला.
मिळालेल्या माहिती नुसार, मुंबईतील गुगल ऑफिसमध्ये पुण्याचे गुगल ऑफिस उडवून देऊ असा धामिकाचा निनावी कॉल करण्यात आला. त्यानंतर बॉम्ब शोधक पथकाकडून रविवारी (ता. १२) संपूर्ण बिल्डिंगची तपासणी करण्यात आली. यावेळी कुठलीही वस्तू संशयास्पद आढळून आली नाही, त्यामुळे सर्वांनीच सुटकेचा निश्वास टाकला.
दरम्यान, हा धमकी देणारा फोन कॉल आल्यानंतर पोलीस अधिकारी आणि बीडीडीएस पथकाकडून संपूर्ण इमारतीची पाहणी करण्यात आली.
ज्या व्यक्तीने धमकीचा फोन केला होता त्याला आता पोलिसांनी ताब्यात घेतले असल्याची प्रथामिक माहिती मिळाली आहे.
