पुणे : घरी जाणाऱ्या तरुणाला गल्लीत बोलवून बीयरची बाटली फोडताना जीवे मारण्याचा प्रयत्न केल्याची घटना कर्वेनगरमधील मावळे आळीत सोमवारी (दि. ३०) पहाटे घडली. याप्रकरणी वारजे पोलिसांनी तिघांना अटक केली आहे.
तुषार ज्ञानदेव धनवटे (वय २३, रा. इंगळे कॉम्प्लेक्स, उत्तमनगर) असे जखमी झालेल्या तरुणाचे नाव आहे. तर सौरभ पवार, राहुल चव्हाण आणि कुमार चव्हाण (रा. गोसावी वस्ती, कर्वेनगर) अशी अटक करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, तुषार धनवटे व त्याचा मित्र अमित हे दोघे त्यांच्या मावशीच्या घरी जात होते. त्यावेळी मावळे आळीच्या बोळात सौरभ पवार याने त्यांना अडविले. आणि खिशातील ९६० रुपये जबरदस्तीने काढून घेतले.
त्यानंतर फिर्यादी तुषार धनवटे याने विरोध केल्यावर आरोपी राहुल चव्हाण याने त्यांच्या डोक्यात बिअरची बाटली फोडून गंभीर जखमी केले. आरोपींनी तुषार धनवटे व मित्राला शिवीगाळ करून लाथाबुक्क्यांनी मारहाण केली.
दरम्यान, याप्रकरणी तुषार धनवटे याने वारजे पोलीस ठाण्यात फिर्याद दिली. त्यानुसार तिघांच्या विरोधात पोलीस ठाण्यात खुनाचा प्रयत्न केल्याचा गुन्हा दाखल करण्यात आला. गुन्हा दाखल होताच, पोलिसांनी तिन्ही आरोपींना अटक केली आहे. पुढील तपास वारजे पोलीस करत आहेत.
