पुणे : ”हा” खेळ कुणाला सांगू नको म्हणून दोन नराधमांनी मित्राच्या अल्पवयीन मुलावर सलग तीन महिने अनै-सर्गिक अत्या-चार केल्याची धक्कादायक घटना खडक (पुणे) परिसरात उघडकीस आली आहे. याप्रकरणी खडक पोलीस ठाण्यात दोन्ही नराधमांच्या विरोधात पोक्सो अंतर्गत कलम ३७७ प्रमाणे गुन्हा दाखल करण्यात आला आहे. या घटनेमुळे परिसरात एकच खळबळ उडाली असून आरोपींच्या विरोधात नागरिकांमध्ये संतापाची लाट पसरली आहे.
या प्रकरणी पीडित मुलाच्या वडिलांनी खडक पोलिस ठाण्यात तक्रार दिली होती.पोलिसांनी दिलेल्या माहितीनुसार, दोन्ही आरोपी आणि फिर्यादी हे एकमेकांचे मित्र असून खडक पोलीस ठाण्याच्या हद्दीत शेजारी राहतात. पीडित मुलाचे आई वडील हे काम करतात. त्यामुळे दोघेही नेहमी कामासाठी बाहेर जात असतात.
दरम्यान, एका आरोपीने पिडीत अल्पवयीन मुलाला गोड बोलून खेळाच्या बहाण्याने लैंगिक अत्याचार केला. ‘हा खेळ’ जर तुझ्या आई वडिलांना सांगितलास, तर तुझं वाईट होईल, अशी धमकी दिली. या धमकीचा फायदा घेऊन दोन्ही आरोपींनी पिडीत अल्पवयीन मुलावर सलग तीन महिने लैंगिक अत्याचार केला. असा आरोप फिर्यादीने केला आहे.
मात्र या त्रासाला कंटाळून पीडित मुलाने वरील सगळा प्रकार त्याच्या आईला सांगितला. त्यावेळी त्यांच्या पायाखालची जमीन सरकली. या प्रकरणी पीडित मुलाच्या वडिलांनी तात्काळ खडक पोलीस ठाण्यात धाव घेतली. आणि दोन्ही आरोपींच्या विरोधात फिर्याद दिली. त्यानुसार आरोपींच्या विरोधात पोक्सो अंतर्गत कलम ३७७ प्रमाणे गुन्हा दाखल करण्यात आला आहे.
पुढील तपास खडक पोलीस करीत आहेत.
