राहुलकुमार अवचट
यवत : केडगाव (ता. दौंड) येथे राजामाता जिजाऊ यांची जयंती विविध सामाजिक उपक्रम राबवून गुरुवारी (ता.१२) मोठ्या उत्साहात साजरी करण्यात आली आहे.
राजमाता जिजाऊ आऊसाहेब जयंती, स्वामी विवेकानंद जयंती व येणाऱ्या मकरसंक्रांत सणाचे औचित्य साधून केडगांव ग्रामपंचायतमधील सर्व स्वच्छता महिला कर्मचाऱ्यांना साडी-चोळी वाटप करण्यात आले. युवासेवा पुणे जिल्हा समन्वयक निलेश शिवाजीराव मेमाणे व रुपाली निलेश मेमाणे यांच्या वतीने महिलांना सन्मानित करण्यात आले आहे.
यावेळी दौंड तालुका कृषी उत्पन्न बाजार समितीचे माजी सभापती दिलीप हंडाळ,अखिल भारतीय मराठा महासंघाचे पुणे जिल्हा उपाध्यक्ष तुषार शेळके आदी मान्यवर उपस्थित होते.
दरम्यान, राजमाता जिजाऊ , स्वामी विवेकानंद, छत्रपती शिवाजी महाराज, पुण्यश्लोक अहिल्याबाई होळकर यांच्या प्रतिमेचे पूजन उपस्थित महिलांच्या हस्ते करण्यात आले. यावेळी केडगांव ग्रामपंचायत सदस्य नितीन जगताप, मंगेश मोकाशी, डॉ.संगीता गायकवाड अनुराधा शेळके , शिवसेना केडगांव शाखाप्रमुख स्वप्निल भुजबळ,राष्ट्रवादी काँग्रेसचे सलमान खान,धनंजय बाप्पू शेळके,अविनाश खुंटे,अभय बारवकर,अमित शेळके आदी मान्यवर व परिसरातील महिला भगिनी मोठ्या संख्येने उपस्थित होत्या
