शिक्रापूर : एका अल्पवयीन मुलीला कारमध्ये बसवून तिचा विनयभंग केल्याची धक्कादायक घटना पाबळ (ता. शिरुर) येथे घडली आहे. शिक्रापूर पोलिसांनी आरोपीला बेड्या ठोकल्या आहेत.
फराज शकील इनामदार (रा. चौधरी वस्ती, पाबळ) असे अटक करण्यात आलेल्या आरोपीचे नाव आहे. पीडित मुलीच्या आईने शिक्रापूर पोलीस स्टेशन येथे फिर्याद दिली आहे.
पोलिसांनी दिलेल्या माहिती नुसार, अल्पवयीन मुलगी क्‍लासला जाण्यासाठी थांबलेली होती. सरफराज इनामदार हा कार घेऊन याठिकाणी आला. त्यानंतर तुझ्या भावाने तुला बोलावले आहे, तू माझ्या सोबत चल असे सांगितले. त्यानंतर अल्पवयीन मुलगी कारमध्ये बसली. गावातील चौधरी वस्ती याठिकाणी इनामदार याने गाडी थांबवली आणि तिचा विनयभंग केला. मुलीने घरी जाऊन या घटनेची माहिती सांगितली.
दरम्यान, याप्रकणी पीडित मुलीच्या आईने शिक्रापूर पोलीस स्टेशन येथे फिर्याद दिली आहे. त्यानुसार आरोपी फराज शकील इनामदार याला पोलिसांनी अटक केली आहे. या घटनेचा पुढील पोलीस करीत आहेत.
