सुरेश घाडगे :
परंडा : भोंजा व डोमगांव (ता. परंडा) येथील महिला समुहानां कृषी विभाग व आत्मा विभाग अंतर्गत पोषणयुक्त परसबाग बियाणे भाजीपाला किट वितरणचे वाटप बुधवारी (ता. २०) करण्यात आले.
तालुका कृषी अधिकारी आबासाहेब रूपनवर व आत्मा विभागाचे तालुका समन्वयक अमोल पाटील यांच्या मार्गदर्शनाखाली परंडा तालुक्यात शेंद्रीय पालेभाज्या जास्तीत जास्त आहारामध्ये उपयोगात आणता याव्यात या साठी हे किट वाटप करण्यात येत आहे.
दरम्यान, यामध्ये ११ प्रकारचे बियाणे आहेत. यावेळी प्रभाग समन्वयक धनंजय चांदणे, लघुउद्योग सल्लागार गणेश नेटके, कृषी सहाय्यक भाग्यवंत, सुनंदा पाटील, अनुराधा नेटके, मिनाक्षी काळे, अश्विनी नेटके, जोत्सना कोळी, सचिव कौशल्या नेटके, प्रियंका नेटके, खैरे आदि ग्रामस्थ व शेतकरी उपस्थित होते .
