पुणे : चांगली नोकरी मिळावी, यासाठी अनेकांचा प्रयत्न असतो. तुम्ही देखील नोकरीच्या शोधात आहात? तर तुमच्यासाठी ही आनंदाची बातमी असणार आहे. कारण, सांगलीतील बाल विकास प्रकल्प विभागात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑफलाईन पद्धतीने अर्ज करता येणार आहे.
बाल विकास प्रकल्प विभाग, सांगली येथे अंगणवाडी सेविका आणि अंगणवाडी मदतनीस या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला सांगली जिल्ह्यातील आरेवाडी, कोंगनोळी, दुधेभावी येथे जाऊन नोकरी करावी लागणार आहे. या प्रक्रियेंतर्गत 101 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
यामध्ये ऑफलाईन पद्धतीने अर्ज करावा लागणार असून, त्यासाठी एकात्मिक बाल विकास सेवा योजना पंचायत समिती कार्यालय, कवठेमहांकाळ येथे अर्ज पाठवावा लागणार आहे. या भरती प्रक्रियेबाबत अधिक माहितीसाठी https://sangli.nic.in/ अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : अंगणवाडी सेविका आणि अंगणवाडी मदतनीस.
– एकूण रिक्त पदे : 101 पदे.
– नोकरीचे ठिकाण : आरेवाडी, कोंगनोळी, दुधेभावी
– शैक्षणिक पात्रता : बारावी उत्तीर्ण.
– वयोमर्यादा : किमान 18 वर्ष पूर्ण व कमाल 35 वर्षे आणि विधवा उमेदवारांसाठी- कमाल ४० वर्षे.
– अर्ज करण्याची पद्धत : ऑफलाईन.
– अर्ज प्रक्रिया सुरू होण्याची तारीख : 03 मार्च 2025.
– अर्ज करण्याची शेवटची तारीख : 17 मार्च 2025.
