मुंबई : जवळपास ४ वर्षांनंतर शाहरुख खान चित्रपटात पदार्पण करत आहे. पठाण या चित्रपटात शाहरुख सोबत अभिनेत्री दीपिका पादूकोण, जॉन अब्राहम हे महत्त्वाच्या भूमिकेत दिसणार आहेत. नुकताच या चित्रपटातील ‘बेशरम रंग’ हे गाणे प्रदर्शित झाले
या गाण्यातील शाहरुख आणि दीपिकाच्या लूकने सर्वांचे लक्ष वेधले.गेल्या काही दिवसांपासून सर्वजण पठाण या चित्रपटाची आतुरतेने वाट पाहात आहेत.
पठाण हा चित्रपट २५ जानेवारी २०२३ रोजी प्रदर्शित होणार आहे. या चित्रपटात शाहरुख आणि दीपिका सोबत जॉन इब्राहिम देखील महत्त्वाच्या भूमिकेत दिसणार आहे. तसेच नुकताच प्रदर्शित झालेले ‘बेशरम रंग’ हे गाणे सर्वांचे लक्ष वेधून घेत आहे. या गाण्याचा सोशल मीडियावर ट्रेंड देखील पाहायला मिळाला. आता चाहत्यांमध्ये चित्रपटाबाबत उत्सुकता पाहायला मिळते.
बॉलिवूडचा किंग खान शाहरुख लवकरच ‘पठाण’ हा चित्रपट घेऊन प्रेक्षकांच्या भेटीला येणार आहे. जवळपास चार वर्षांनंतर शाहरुख या चित्रपटाच्या माध्यमातून बॉलिवूडमध्ये पुनरागमन करणार आहे. त्यामुळे शाहरुखला मोठ्या पडद्यावर पाहण्यासाठी सर्वजण उत्सुक आहेत. पण या चित्रपटासाठी शाहरुखने तगडे मानधन घेतल्याचे म्हटले जात आहे.
शाहरुखच्या बॉडीने अनेकांची मने जिंकली. त्याने पठाण या चित्रपटासाठी विशेष मेहनत घेतली आहे. तर दीपिकाने या चित्रपटात अनेक बोल्ड सीन्स दिले आहेत. त्यामुळे या चित्रपटातील स्टार कास्टने तगडे मानधन घेतले आहे.
शाहरुखने पठाण चित्रपटासाठी जवळपास १०० कोटी रुपये मानधन घेतले आहे. तर दीपिकाने १५ कोटी रुपये फी घेतली आहे. तर जॉनने या चित्रपटासाठी २० कोटी रुपये घेतल्याचे म्हटले जाते.
