भोर : निगडे (ता. भोर) ग्रामपंचायत हद्दीत विजेचा शॉक लागून चारजण जागेवरच मृत्यू झाल्याची दुर्दैवी घटना नुकतीच उघडकीस आली आहे. दोघांचे मृतदेह मिळाले असून नावे अद्याप समजू शकले नाही.
मिळालेल्या माहितीनुसार, चारही व्यक्ती गावातील बंधाऱ्यामध्ये मोटार बसवण्यासाठी गेले होते. यातील दोघांचे मृतदेह मिळाले असून सापडलेले मृतदेह कोणाचे आहेत अद्याप माहिती मिळू शकली नाही.
दरम्यान, घटनास्थळी प्रशासन दाखल असून या घटनेमुळे भोर तालुक्यासह निगडे परिसरात एकच खळबळ उडाली आहे. संपूर्ण गावाने घडलेल्या ठिकाणी पाहण्यासाठी गर्दी केली असून परिसरात शोकाकुल वातावरण पसरले आहे.
