दीपक खिलारे
इंदापूर : येथील मातोश्री रमाबाई आंबेडकर विद्यार्थी वसतिगृह ट्रस्ट संचलित प्राथमिक, माध्यमिक व उच्च माध्यमिक आश्रमशाळा तसेच मुलांचे व मुलींचे अनुदानित वसतिगृहाच्या संयुक्त विद्यमाने डॉ. बाबासाहेब आंबेडकर शैक्षणिक संकुलात महामानव डॉ. बाबासाहेब आंबेडकर यांना ६६ व्या महापरिनिर्वाण दिनी अभिवादन करण्यात आले.
यावेळी सर्वोत्तम भूमिपुत्र तथागत गौतम बुद्ध मूर्तीस पुष्प, तर डॉ. बाबासाहेब आंबेडकर व संस्थेचे दिवंगत अध्यक्ष रत्नाकर मखरे (तात्या) यांच्या प्रतिमांना संस्थेचे सचिव ॲड. समीर मखरे यांनी पुष्पहार अर्पण करून अभिवादन केले. यावेळी कार्यक्रमस्थळी सामूहिक बुद्ध वंदना घेण्यात आली. यावेळी विद्यार्थ्यांनी भाषणे केली तर काहींनी गीते सादर केली.
यावेळी बाबासाहेबांच्या नावासमोर असलेल्या जगातील सर्वश्रेष्ठ उपमा व उपाध्यांपैकी सलग १० उपमा व उपाध्या शुभांगी धांडोरे व अपूर्वा मखरे ह्या विद्यार्थिनींनी सांगितल्या. कार्यक्रमाचे सूत्रसंचालन हिरालाल चंदनशिवे सर यांनी केले. यावेळी प्राथमिकचे मुख्याध्यापक साहेबराव पवार, माध्यमिक व उच्च माध्यमिक आश्रमशाळेच्या प्राचार्या अनिता साळवे तसेच शिक्षक-प्राध्यापक,अधिक्षक – शिक्षकेतर कर्मचारी व विद्यार्थी उपस्थित होते.
