मुंबई : मागील आठवड्यात राज्याच्या विधानसभा निवडणुकांचा निकाल लागला आहे. यामध्ये महायुतीने बाजी मारली असून महाविकास आघाडीच्या वाट्याला पराभव आला आहे. आता अशातच महायुती सरकारच्या शपथविधीला अवघे काही तास बाकी असताना भाजपच्या संभाव्य मंत्रिपदाची यादी समोर आली आहे. त्यामध्ये आशिष शेलार, रविंद्र चव्हाण, गिरीश महाजन, पंकजा मुंडे यांच्यासह निलेश राणे आणि गोपीचंद पडळकरांचाही समावेश असल्याची माहिती मिळत आहे. भाजपकडून एकूण 16 मंत्री शपथ घेणार असल्याची माहिती आहे.
भाजपचे संभाव्य मंत्री…
मुंबई
- मंगलप्रभात लोढा
- आशिष शेलार
- राहुल नार्वेकर
- अतुल भातखळकर
(मंगलप्रभात लोढा यांना दिलं तर राहुल नार्वेकर नसतील.)
पश्चिम महाराष्ट्र
- शिवेंद्रसिंहराजे भोसले
- गोपीचंद पडळकर
- माधुरी मिसाळ
- राधाकृष्ण विखे पाटील
कोकण
- रविंद्र चव्हाण
- नितेश राणे
- गणेश नाईक
विदर्भ
- चंद्रशेखर बावनकुळे
- संजय कुटे
मराठवाडा
- पंकजा मुंडे
- अतुल सावे
उत्तर महाराष्ट्र
- गिरीश महाजन
- जयकुमार रावल
राजकीय घडामोडींना वेग..
गेल्या काही तासांपासून एकनाथ शिंदे यांनी महायुतीसाठी चर्चेचे दरवाजे पुन्हा उघड केले आहेत. त्यामुळे वर्षा बंगल्यावरील घडामोडींना वेग आलेला दिसत आहे. काहीवेळापूर्वीच संजय शिरसाट हे उदय सामंत यांच्या मुक्तागिरी बंगल्यावर पोहोचले आहेत. तिथून हे दोन्ही नेते वर्षा बंगल्यावर जाणार असल्याची माहिती मिळत आहे. तर दुसरीकडे भाजप प्रदेशाध्यक्ष चंद्रशेखर बावनकुळे हे देवेंद्र फडणवीस यांच्या सागर बंगल्यावर दाखल झाले आहेत. बावनकुळे यांनी काही वेळापूर्वी प्रदेश मुख्यालयात शपथविधी सोहळ्याच्या तयारीचा आढावा घेतला होता. प्रदेश मुख्यालयातील बैठकीनंतर फडणवीस यांच्या भेटीसाठी बावनकुळे दाखल झाले आहेत.
