कोथरूड : कोथरूड येथील ‘फ्रेमबॅाक्स’ संस्थेचा सतरावा वर्धापनदिन मोठ्या उत्साहात साजरा करण्यात आला. वर्धापन दिनानिमित्त नोव्हेंबर महिन्याच्या पहिल्या आठवड्यापासून विविध स्पर्धेचे आयोजन करण्यात आले होते. यामध्ये क्रिकेट, चित्रकला, ग्राफिक डिझाईन, थ्रीडी, व्हीएफएक्स, लघुपट निर्मिती. आदींचा समावेश होता. बुधवार (ता.२७) गांधी भवन, कोथरूड येथे वर्धापन दिनानिमित्त घेण्यात आलेल्या कार्यक्रमात संस्थेचे संचालक धर्मराज वाघ, संगिता वाघ व माजी विद्यार्थ्यांच्या हस्ते स्पर्धेचे बक्षिस वितरण करण्यात आले.
वर्षभर विद्यार्थ्यांनी विविध क्षेत्रात केलेल्या कार्याचा कौतूक सोहळ घेण्यात आला. यावेळी विद्यार्थ्यांनी एकांकिका, गिटार वादन, नृत्याचे सादरीकरण केले. बीएस्सी अॅनिमेशन पदवी घेतलेल्या विद्यार्थ्यांचा पदवीप्रदान समारंभ कार्यक्रम घेण्यात आला. संस्थेतील माजी विद्यार्थी आणि उद्योजक श्री.प्रतिक उमाळे यांनी उपस्थितांना मार्गदर्शन केले. केक कापून वर्धापन दिनाचा समारोप करण्यात आला. उपस्थित विद्यार्थ्यांचे पालक व ॲनिमेशन क्षेत्रातील मान्यवर यांनी संस्थेस शुभेच्छा व कौतुक केले. यश शेलार, तनुश्री पुरी यांनी सूत्रसंचालन केले. श्रध्दा चव्हाण हिने आभार मानले.
