मुंबई : बिग बॉस फेम सना खानने सोशल मीडियावर चाहत्यांना एक आनंदाची बातमी दिली आहे. सना खानने सोशल मीडियाच्या माध्यमातून याबाबत माहिती दिली आहे. ती दुसऱ्यांदा आई होणार असल्याची माहिती तिने चाहत्यांना दिली आहे. दीड वर्षांपूर्वी सनाने एका गोंडस मुलाला जन्म दिला होता. आता सना खान दुसऱ्यांदा गरोदर आहे. सनाने तिच्या सोशल मीडिया अकाऊंटवर पोस्ट शेअर करत ही आनंदाची बातमी शेअर केली आहे. चाहत्यांनी तिच्या या पोस्टवर शुभेच्छांचा वर्षाव केला आहे.
सनाने तिच्या अधिकृत इन्स्टाग्राम अकाऊंटवर एक व्हिडीओ शेअर केला आहे. या व्हिडीओच्या माध्यमातून तिने ती पुन्हा प्रेग्नंट असल्याची माहिती दिली आहे. सनाने हा व्हिडीओ शेअर करत, ‘तिचे तीन जणांचे कुटुंब आता चार जणांचे होणार आहे’ असे कॅप्शन दिले आहे. तसेच पुढे तिने “अल्हमदुलिल्लाह, आमचा छोटा पाहुणा येणार आहे. सय्यद तारिक जमील मोठा भाऊ होण्यासाठी उत्सुक आहे” असे म्हटले आहे.
सना खानने जेव्हापासून ग्लॅमर इंडस्ट्रीचा निरोप घेतला आहे, तेव्हापासून ती पूर्वीपेक्षा जास्त चर्चेत आली आहे. अभिनेत्रीचे केवळ रूपच बदलले नाही तर तिची विचारसरणीही पूर्णपणे बदलली आहे. आता सना खानचे जग तिचे पती अनस सैय्यद आणि मुलगा सय्यद तारिक जमील यांच्याभोवती फिरते.
सनाबद्दल सांगायचं झालं तर, अभिनेत्री ‘बिग बॉस 9 ‘ शोमध्ये दमदार स्पर्धकांपैकी एक होती. त्यानंतर सनाच्या लोकप्रियतेत प्रचंड वाढ झाली. शिवाय सना हिने मोठ्या पड्यावर देखील अनेक सिनेमांमध्ये काम केलं. सनाचे 20 नोव्हेंबर 2020 रोजी लग्न झाले आणि 5 जुलै 2023 रोजी तिने पहिल्या मुलाला जन्म दिला. आता वर्षभरानंतर ती पुन्हा आई होणार आहे. ही बातमी ऐकून चाहत्यांना खूप आनंद झाला आहे.
View this post on Instagram
