मुंबई : मुंबईतील गोरेगाव पूर्वेकडील ओबेरॉय मॉल समोरील रस्त्यावर भीषण अपघात झालe आहे. भरधाव येणा-या डंपरने एका दुचाकीला धडक दिल्याने 13 वर्षीय चिमुकलीचा जागेवरच मृत्यू झाला आहे.
या अपघातामध्ये चिमुकलीच्या वडिलांनाही गंभीर दुखापत झाली. या अपघातानंतर ते बराच वेळ मुलीचा मृतदेह आपल्या मांडीवर घेऊन रस्त्यावरच बसून होते. या अपघातानंतर पोलीस त्वरीत घटनास्थळी दाखल झाले. त्यांनी डंपर चालकाला अटक केली. या प्रकरणी पोलीस अपघाताचा अधिक तपास करत आहे. यावेळी आजुबाजूला बघ्यांची गर्दी झाली होती.
