Viral News : सोशल मीडियावर रोज काही ना काही नवीन पाहायला मिळते. कधी असे व्हिडीओ पाहायला मिळतात जे पाहून आश्चर्य वाटते की खरंच असे घडू शकते का? सध्या एक असाच व्हिडीओ व्हायरल होत आहे. या व्हिडिओमध्ये एक तरुण चक्क पाच मुलींशी लग्न करताना दिसून येत आहे. हा व्हिडिओ पाहून नेटकऱ्यांनी आपल्या भुवया उंचावल्याशिवाय राहणार नाहीत.
सोशल मीडियावर व्हायरल होत असलेल्या व्हिडिओमध्ये दिसत आहे की, एका नवरदेवासमोर 5 नववधू बसलेल्या आहेत. आणि त्या पाच वधूंना नवरदेव सिंदूर भरत असल्याचे दिसत आहे. त्यानंतर त्या पाच नववधूंनी नवरदेवाच्या पाया पडल्या आहेत. हा व्हिडिओ सोशल मीडियावर चांगलाच व्हायरल होत आहे. मात्र, या व्हिडिओ मागील सत्य समोर आले आहे.
व्हायरल होत असलेला हा व्हिडिओ ब्रजेश नावाच्या व्यक्तीने शेअर केला आहे. ब्रजेशने त्याच्या सोशल मीडिया अकाऊंटच्या बायोमध्ये लिहिले आहे की, तो मनोरंजनासाठी हे व्हिडिओ बनवतो. त्याच्या सोशल मीडिया अकाउंटवर अनेक व्हिडिओ आहेत, ज्यात तो अभिनय करताना दिसत आहे. हा व्हिडिओ लक्षपूर्वक पाहिला असता अभिनेता ब्रजेशच्या नावाचा वॉटरमार्क दिसत आहे. या व्हिडिओमागचे सत्य जाणून घेण्यासाठी त्याच्या अधिकृत सोशल मीडिया अकाऊंटची तपासणी केली असता त्याने याआधीही असे अनेक व्हिडिओ बनवल्याचे दिसून आले आहे. फक्त मनोरंजनासाठी त्याने पाच मुलींसोबत लग्न केल्याचा व्हिडिओ बनवला आहे.
दरम्यान, सोशल मीडियावर असे अनेक व्हिडिओ समोर येत असतात. अशातच या मुलाच्या लग्नाचा व्हिडिओ सध्या सोशल मीडियावर धुमाकूळ घालतोय.
View this post on Instagram
