लोणी काळभोर : जिल्हास्तरीय हॉकी स्पर्धेत स्पर्धेत कुंजीरवाडी (ता. हवेली) येथील मुक्ताई मेमोरिअल स्कूलच्या 14 वर्षा खालील विद्यार्थ्यांनी आपला दबदबा कायम ठेऊन अजिंक्य पद पटकावले आहे. त्यांची विभागीय स्पर्धेसाठी निवड झाली आहे. तर विद्यालयाच्या 17 वर्षाखालील विद्यार्थ्यांनी हॉकी स्पर्धेत उपविजेते पद पटकावले आहे. विजेत्या खेळाडूंचे व शाळेचे कुंजीरवाडी व परिसरातील नागरिकांकडून भरभरून कौतुक होत आहे.
जिल्हास्तरीय हॉकी स्पर्धा चिखली येथील एसएनबीपी या शाळेत नुकतीच पार पडली. या स्पर्धेत जिल्ह्यातील अनेक शाळा सहभागी झाल्या होत्या. या स्पर्धेत मुक्ताई मेमोरिअल स्कूलच्या विद्यार्थ्यांनी सहभाग घेतला होता. या स्पर्धेत विद्यालयाच्या 14 वर्ष वयोगटातील विद्यार्थ्यांचा अंतीम सामना नारायणगाव येथील अंनत कुलकर्णी स्कूलच्या विद्यार्थ्यांशी झाला.
या सामन्यात विद्यालयाने 1-0 च्या फरकाने पराभव करून प्रथम क्रमांक मिळविला. या विद्यार्थ्यांची अहमदनगर या ठिकाणी होणाऱ्या विभागीय स्पर्धेसाठी निवड झाली आहे. तर विद्यालयाच्या 17 वर्ष वयोगटातील विद्यार्थ्यांनी नारायणगाव येथील अनंत कुलकर्णी या शाळेच्या विद्यार्थ्यांचा 3-1च्या पराभव करून उपविजेते पद पटकावले.
दरम्यान, विद्यालयाचे विद्यार्थी यश जवळकर, युवराज धुमाळ, प्रणव गाढवे या विद्यार्थ्याची विभागीय स्पर्धेसाठी निवड झाली आहे. विजेत्या खेळाडूंना क्रिडाशिक्षक रविंद्र त्यागराजन व अमर गिरी यांचे मार्गदर्शन मिळाले. विजेते खेळाडू व मार्गदर्शक क्रीडाशिक्षाकांचे संस्थेचे अध्यक्ष महेंद्र धुमाळ, विकास धुमाळ, प्राचार्या प्रीती डोरले यांनी अभिनंदन करून पुढीपुढील वाटचालीसाठी शुभेच्छा दिल्या.
विजेते खेळाडू व क्रीडा शिक्षकांचे कौतुक
जिल्हास्तरीय हॉकी स्पर्धेत मुक्ताई मेमोरिअल स्कूलच्या 14 वर्ष वयोगटातील विद्यार्थ्यांनी प्रथम क्रमाक पटकाविला आहे. तर विद्यालयाच्या 17 वर्ष वयोगटातील विद्यार्थ्यांनी द्वितीय क्रमांक मिळविला आहे. त्यामुळे विजेते खेळाडू व क्रीडा शिक्षकांचे कुंजीरवाडी व परिसरातील नागरिकांकडून भरभरून कौतुक होत आहे.
