पिसर्वे विद्यालयाचा तालुक्यात डंका; हॉलीबॉल स्पर्धेत मुलींची जिल्हा स्तरीय निवड

-बापू मुळीक

सासवड : पुरंदर तालुक्याच्या पूर्व भागातील पिसर्वेच्या डॉ. शंकरराव कोलते विद्यालयातील विद्यार्थ्यांनी हॉलीबॉल स्पर्धेत बाजी मारली आहे. 14 वर्ष वयोगटातील लहान मुलींनी द्वितीय क्रमांक तर मुलांनी तृतीय क्रमांक मिळवला. तर मोठ्या गटातील मुलींनी प्रथम क्रमांक मिळवला. या मुलींच्या मोठ्या गटाची जिल्हा स्तरावर निवड झाली आहे, त्यांना क्रीडा शिक्षक प्रा.सचिन भूसे यांनी मार्गदर्शन केले.

क्रीडा व युवक सेवा संचालनालय महाराष्ट्र राज्य, जिल्हा क्रीडा परिषद, पुणे क्रीडा अधिकारी कार्यालय पुणे व पुरंदर हायस्कूल ज्युनियर कॉलेज, सासवड यांच्या संयुक्त विद्यमाने 14 वर्ष, 17 वर्ष, 19 वर्ष वयोगटातील मुले व मुलींची तालुकास्तरीय शालेय हॉलीबॉल स्पर्धा पार पडल्या.

सर्व यशस्वी विद्यार्थ्यांचे शाळा, ग्रामस्थ पिसर्वे, स्कूल कमिटी सदस्य यांच्याकडून अभिनंदन करण्यात आले.