सोलापूर : पत्नीशी अफेअर असल्याच्या संशयावरून घरातील टीव्ही आणि नवे-जुने कपडे जाळून नुकसान केल्याप्रकरणी एका जणाविरुद्ध जोडभावी पेठ पोलीस ठाण्यात गुन्हा दाखल करण्यात आला आहे. ही घटना १८ ऑगस्ट रोजी दुपारी साडेतीन वाजण्याच्या सुमारास घडली. याप्रकरणी धनराज चंद्रशेखर खद्दे (वय ५७, रा. शिवगंगा नगर, शेळगी) यांनी जोडभावी पेठ पोलीस ठाण्यात फिर्याद दाखल केली आहे. त्यांच्या फिर्यादीवरून विजय सुनील कोळी (रा. शिवगंगा नगर) याच्याविरुद्ध गुन्हा दाखल झाला आहे.
फिर्यादी यांच्या घराशेजारी राहणारा वरील संशयित आरोपीने त्याची पत्नी व फिर्यादी यांचा मुलगा यांच्यात अफेअर असल्याच्या संशयावरून फिर्यादी यांच्या घराचा मुख्य दरवाजाचे कुलूप तोडून प्रवेश करत घरातील ४० इंची एलईडी टीव्ही फोडून नवे जुने कपडे जाळून नुकसान केले आहे, असे फिर्यादीत म्हटले आहे. पुढील तपास पोलीस हेडकॉन्स्टेबल जगताप हे करीत आहेत.
