ठाणे : ठाण्यामधून एक भयंकर बातमी समोर आली आहे. सोन्याच्या दुकानात चोरांचा दरोडा टाकण्याचा डाव त्यांच्याच अंगलट आला आहे. दुकानदाराने दांडा काढून चोरांची धुलाई केली आहे. चोर धूम स्टाईलने चोरी करण्यासाठी आले, पण मार खात पळून जावं लागलं. ठाण्यामध्ये ही घटना घडली असून चोर अन् दुकानदारातील हा थरार सीसीटीव्ही कॅमेऱ्यामध्ये कैद झाला आहे..
मिळालेल्या माहितीनुसार, ठाण्यातील बाळकुम नाका या ठिकाणी दुचाकीवरुन आलेल्या चार इसमांनी सोन्याच्या दुकानात दरोडा टाकण्याच्या प्रयत्न केला. सदरच्या घटनेत दुकानाच्या मालकाने त्यांना पळवून लावलं असून. ही घटना सीसीटीव्हीमध्ये कैद झाली आहे. पुढील तपास कापूरबावडी पोलीस करीत आहेत. या हल्ल्याप्रकरणी एकाला पोलिसांनी ताब्यात घेतलंय.
सीसीटीव्हीमध्ये कैद व्हिडिओमध्ये, खूपच शांत वातावरण दिसत असून, दुकानाचा मालक काउंटवर दिसत आहे. काही वेळानंतर तोंडाला मास्क लावलेले चारजण दुकानात चोरी करण्याच्या हेतुने येतात आणि दुकानदाराला बंदुक आणि शस्त्रांचा धाक दाखवत ते दुकानात शिरताना दिसतात. तसेच ते दुकानदारावर हल्ला करण्याचा प्रयत्न करतात. दुकानदाराला धमकावत मारहाण करण्यास सुरूवात करतात. तर दुसरा चोर दागिने चोरायला सुरूवात करतो. परंतु, दुकानदार चालाकीने खुर्चीमागे असलेला दांडा काढतो अन् चोरांवर प्रतिहल्ला करतो.
आणि चोरांनी ठोकली धूम..
दुकानदार मोठ्या हिमतीने चोरांचा सामना केला आहे. दुकानदार दांड्याने चोरांना बेदम मारतो, तेव्हा चोर चोरी करायचं सोडून धूम ठोकतात. दुकानदाराने प्रसंगावधान राखत दरोडा होण्यापासून वाचवला आहे.
