हनुमंत चिकणे
उरुळी कांचन, (पुणे) : येथील डॉ. सायरस पूनावाला इंग्लिश मिडीयम स्कूल उरुळी कांचन येथे बालदिन व पद्मश्री डॉ. मणिभाई देसाई यांच्या पुण्यतिथी निमित्त शाळेत विविध कार्यक्रमाचे आयोजन करण्यात आले होते.
या कार्यक्रमाचे उद्घाटन शाळेच्या मुख्यध्यापिका राजीकुमारी लक्ष्मी व सहशिक्षिकांच्या हस्ते करण्यात आले. यावेळी पूर्व प्राथमिक गटातील सर्व विद्यार्थ्यांनी वेगवेगळ्या वेशभूषा घालून अनेक व्यक्तीरेखा सादर करण्यात आल्या होत्या. यातून विविधतेतून एकतेचा संदेश देण्यात आला.
प्राथमिक गटातील विद्यार्थ्याना सामाजिक व राष्ट्रीय एकात्मतेवर आधारित चलचित्रपट दाखविण्यात आला. तसेच बालदिनाची माहिती देऊन शुभेच्छा देण्यात आल्या. पद्मश्री डॉ. मणिभाई देसाई यांच्या प्रतिमेचे पूजन करून त्यांनी केलेल्या कार्याची माहिती उपस्थित विद्यार्थ्यांना देण्यात आली. यावेळी शाळेतील शाळेच्या मुख्यध्यापिका राजीकुमारी लक्ष्मी, सर्व शिक्षक, शिक्षकेत्तर कर्मचारी, विद्यार्थी उपस्थित होते.
