-संतोष पवार
पळसदेव (पुणे) : शिक्षकांच्या विविध प्रलंबित मागण्या आणि प्रश्नांचा पाठपुरावा करून त्यांना शासन दरबारी न्याय मिळवून देण्यासाठी आपण प्रयत्नशील असल्याचे, मत माजी मंत्री तथा राष्ट्रीय सहकार साखर कारखाना महासंघाचे अध्यक्ष हर्षवर्धन पाटील यांनी व्यक्त केले.
महाराष्ट्र राज्य प्राथमिक शिक्षक समिती शाखा, इंदापूरच्या नूतन कार्यकारिणीचा सत्कार समारंभ रविवार (दि. 4 ऑगस्ट) दुधगंगा संघ, इंदापूर येथे संपन्न झाला. त्यावेळी हर्षवर्धन पाटील बोलत होते. शिक्षकांना जुनी पेन्शन लागू करणे, वेतन त्रुटी दुर करणे, विद्यार्थी गणवेशाचा प्रश्न, प्राथमिक शिक्षकांच्या रखडलेल्या पदोन्नती, बदल्या आदि मागण्या संदर्भात मंत्रालय पातळीवर शिक्षणमंत्री दिपक केसरकर, ग्रामविकास मंत्री गिरीश महाजन यांना भेटून त्यासंदर्भात मंत्रिमंडळ बैठक घेण्याबाबत आपण प्रयत्नशील असल्याचे पाटील यांनी सांगितले.
यावेळी हर्षवर्धन पाटील यांच्या हस्ते प्राथमिक शिक्षक समितीच्या इंदापूर शाखेचे नुतन अध्यक्ष सुनील शिंदे, उपाध्यक्ष लतिफ तांबोळी, कार्याध्यक्ष विजय पाटील, कोषाध्यक्ष दत्तात्रय लकडे, सरचिटणीस विनय मखरे, संपर्क प्रमुख देवानंद जमदाडे, प्रवक्ते संतोष हेगडे यांचा सन्मान करण्यात आला.
यावेळी नितीन वाघमोडे, हरिश काळेल, विलास शिंदे, शहाजी पोफळे, मोहन भगत, बापू आदलिंग, विकास घुगे, भालचंद्र भोसले, सतिष खटके, अरूण मिरगणे, वसंत फलफले, सर्जेराव खुसपे, प्रमोद कुदळे, भारत गायकवाड, मैनुद्दीन मोमीन, सचिन वेदपाठक, रविंद्र तनपुरे, अमोल बोराटे, सागर भोसले, सचिन कोळी, अभिजीत मखरे आदिंसह शिक्षकवृंद उपस्थित होते. प्रास्ताविक प्राथमिक शिक्षक समितीचे पुणे जिल्हाध्यक्ष सुनिल वाघ यांनी, सुत्रसंचालन संतोष हेगडे यांनी केले तर आभार छगन मुलाणी यांनी मानले
