भारत – भारतीय हवामानशास्त्र विभागाने (IMD) या उन्हाळ्यात देशभरात तीव्र उष्णतेची लाट येण्याची शक्यता वर्तवली असून, बहुतांश प्रदेशांमध्ये तापमान सामान्यपेक्षा जास्त वाढण्याची शक्यता आहे. अनेक राज्यांसाठी उष्णतेच्या लाटेचा इशारा जारी केला आहे.

IMD ने महाराष्ट्र, गुजरात, राजस्थान, पंजाब, हरियाणा, उत्तर प्रदेश, बिहार, झारखंड, पश्चिम बंगाल, ओडिशा, तेलंगणा आणि आंध्र प्रदेश यासह अनेक राज्यांसाठी उष्णतेच्या लाटेचा इशारा जारी केला आहे. या राज्यात तापमान सरासरीपेक्षा लक्षणीय वाढण्याची शक्यता आहे, काही भागात शक्यतो ४५°C पेक्षा जास्त तापमान असण्याची शक्यता आहे.
उष्णता म्हंटल तर महाराष्ट्र हे सर्वात जास्त प्रभावित राज्यांपैकी एक असण्याची शक्यता आहे, काही भागात तापमान ४४°C च्या वर जाण्याचा अंदाज आहे. आयएमडीने राज्यात विशेषतः विदर्भ आणि मराठवाडा भागात उष्णतेच्या लाटेच्या तीव्र परिस्थितीचा इशारा दिला आहे.

मान्सूनपूर्व पाऊस सरासरीपेक्षा कमी राहणार आहे. आयएमडीने असेही म्हंटले आहे की, या वर्षी मान्सूनपूर्व पाऊस सामान्यपेक्षा कमी राहण्याची शक्यता आहे, ज्यामुळे उष्णतेच्या लाटेची स्थिती आणखी भीषण होऊ शकते. उष्णतेच्या लाटेत सुरक्षित राहण्यासाठी आवश्यक ती खबरदारी घेण्याचा सल्ला विभागाने दिला आहे.
सध्या अनेक भागात पडलेल्या अवकाळी पावसामुळे नागरिकांना काहीसा दिलासा मिळाला आहे. परंतु येणारा काळ कठीण असणार असून पारा 40 च्या पार जाण्याची शक्यता आहे.







