पुणे : शहरात ऑक्टोबर हीटचा चटका कायम असून गुरुवारी (दि. ३) कमाल तापमानाचा पारा ३१.९ अंश सेल्सिअसवर होते. दरम्यान, शहरात पुढील चार दिवस अंशतः ढगाळ हवामान राहणार आहे. तसेच कमाल तापमान ३१ ते ३४ अंश सेल्सिअसदरम्यान राहणार आहे.
पावसाने विश्रांती घेतल्यानंतर कमाल तापमानात वेगाने वाढ झाली आहे. मंगळवारी (दि. १) कमाल तापमान ३४.९ अंश सेल्सिअस होते. तर, बुधवारी (दि. २) ३३.८ होते. त्यात गुरुवारी दोन अंशांनी घट झाली. दुपारी उन्हाचा चटका जाणवत आहे. तसेच उकाडाही कायम आहे. काही काळ ढगाळ हवामन होते. उपनगरातील वडगावशेरी येथे ३३.६ अंश सेल्सिअस तापमान होते. दरम्यान, ४ ते ७ ऑक्टोबरदरम्यान आकाश अंशतः ढगाळ राहणार आहे. तसेच उन्हाचा चटकाही जाणवणार आहे. तर, ८ व ९ ऑक्टोबर रोजी मेघगर्जना व विजांच्या कडकडाटासह हलक्या पावसाची शक्यता आहे.
