नवी दिल्ली : प्रसिद्ध स्मार्टफोन निर्माता कंपनी Vivo ने आपला नवा Y28s 5G स्मार्टफोन नुकताच लाँच केला. मार्केटमधील हा सर्वात परवडणारा 5G फोन असणार आहे. ज्यामध्ये सेगमेंटमधील इतर स्मार्टफोनच्या तुलनेत सर्वात चांगला डिस्प्ले आहे. यात 8 GB RAM सह अनेक बेस्ट फिचर्स देण्यात आले आहेत.
Vivo च्या Y28s 5G फोनमध्ये 6.5 इंचाचा एलसीडी डिस्प्ले देण्यात आले. ज्याची पीक ब्राइटनेस 840 निट्स आहे. यात एचडी प्लस रिझोल्यूशन आणि 90Hz चा रिफ्रेश रेट आहे. भारतीय ऑफलाईन मार्केटमध्ये Vivo Y28s 5G ची 4 GB रॅम, 128 GB स्टोरेज व्हेरिएंटचा हा फोन 13,999 रुपयांत मिळू शकणार आहे. तर, 6 GB रॅम, 128 GB स्टोरेज वेरिएंट 15,499 रुपयांना खरेदी करता येईल.
याशिवाय, 8 GB रॅम, 128 GB स्टोरेज मॉडेल 16,999 रुपयांना खरेदी करता येणार आहे. हा फोन जांभळ्या आणि निळ्या रंगात उपलब्ध असेल. तर ग्लोबल व्हेरिएंट मोचा ब्राऊन कलरमध्येही येतो. Vivo Y28s 5G वॉटरड्रॉप नॉचसह 6.5-इंच LCD डिस्प्लेसह येतो. डिस्प्लेमध्ये HD+ रिझोल्यूशन आणि 90Hz चा रिफ्रेश दर आहे.
