नवी दिल्ली : प्रसिद्ध कंपनी Unix ने आपला नवा AirBuds लाँच केला आहे. Matrix Air Buds असे या एअरबड्सचे नाव आहे. यातील सर्वात महत्त्वाचे फीचर म्हणजे यामध्ये आपल्याला 200 तासांचा बॅटरी बॅकअप मिळणार आहे. इतकेच नाहीतर हा एअरबड्स अवघ्या एका तासात फुल चार्ज होऊ शकणार आहे.
AirBuds ला फास्ट चार्जिंगचा सपोर्टदेखील मिळणार आहे. 5 मिनिटांच्या चार्जिंगमध्ये 3 तासांचा प्लेटाईम मिळेल, असा कंपनीचा दावा आहे. कनेक्टिव्हिटीसाठी AirBuds Bluetooth व्हर्जन V5.3 ला सपोर्ट असणार आहे. या एअरबड्ची रेंज ही 10 मीटरपर्यंत असणार आहे. यामध्ये टच कंट्रोल उपलब्ध असून, याच्या माध्यमातून गाणी, फोन आणि व्हॉईस असिस्टंटही मिळणार आहे.
हा AirBuds एकदा फुल चार्ज केल्यावर 200 तासांची बॅटरी लाईफ मिळणार असल्याचा कंपनीचा दावा आहे. यामध्ये नॉईस कॅन्सलेशन सपोर्टही मिळणार आहे. हा AirBuds ऑनलाईन खरेदी करता येणार असून, तो 1300 रुपयांपर्यंत मिळणार असल्याचे सांगितले जात आहे.
