नवी दिल्ली : रिलायन्स जिओकडून आपल्या ग्राहकांसाठी अनेक बेस्ट रिचार्ज प्लान आणले जात आहेत. त्यात आता इंटरनेटच्या युगात लोक सहसा लोक दररोज 1.5GB किंवा 2GB डेटा असलेले प्लान खरेदी करतात आणि बऱ्याचदा त्यांचा डेटा संध्याकाळपर्यंत संपतो. अशा परिस्थितीत लोकांना अधिक डेटाची आवश्यकता आहे. त्यामुळे Jio ने बेस्ट असा प्लान आणला आहे.
जर तुम्ही जास्त इंटरनेट वापरत असाल तर तुम्ही जिओचा 499 रुपयांचा हा रिचार्ज निवडू शकता. या रिचार्जवर, तुम्हाला अनलिमिटेड कॉलसह पूर्ण 28 दिवसांची वैधता दिली जाते. रिलायन्स जिओकडे प्रीपेड ग्राहकांसाठी 3GB दररोज डेटा असलेले तीन प्लान आहेत. त्यापैकी सर्वात स्वस्त प्लॅन 449 रुपयांचा आहे. तो पूर्ण 28 दिवसांच्या वैधतेसह येतो. या रिचार्ज प्लॅनमध्ये दररोज 100 एसएमएस आणि अनलिमिटेड कॉलिंग करता येते.
याशिवाय, ग्राहकांना Jio Hotstar मोबाईल-टीव्हीचे 90 दिवसांचे सबस्क्रिप्शन देखील दिले जाते. हे फक्त एकदाच उपलब्ध असेल. याशिवाय, Jio AIcloud चे 50GB स्टोरेज देखील उपलब्ध आहे. याशिवाय, कंपनी या रिचार्जवर अमर्यादित 5G देखील देते, परंतु ते फक्त निवडक ग्राहकांना दिले जात आहे.
