नवी दिल्ली : सध्या नवनवे ॲप्स लाँच केले जात आहेत. त्यात WhatsApp, Facebook, Instagram, X यांसारख्या सोशल मीडियाचा वापर मोठ्या प्रमाणात होत आहे. WhatsApp कडून आपल्या युजर्ससाठी अनेक फीचर्स आणले जात आहेत. त्यानुसार, आता WhatsApp युजर्सला Voice Mode मध्ये Meta AI ला प्रश्न आणि उत्तरे विचारता येऊ शकणार आहे.
WhatsApp आता Meta AI सोबत सेलिब्रिटी व्हॉईसचा सपोर्ट मिळणार आहे. म्हणजेच Meta AI तुमच्याशी सेलिब्रिटीच्या आवाजात बोलेल आणि तुमच्या प्रश्नांची उत्तरे देईल. यातील सर्वात महत्त्वाची बाब म्हणजे युजर्सना ते निवडण्याचा पर्याय असणार आहे. म्हणजेच यूजर्स हे ठरवू शकतील की त्यांना कोणत्या सेलिब्रिटीच्या आवाजात Meta AI वापरायचा आहे.
WhatsApp च्या या नवीन फीचरची सध्या अमेरिका आणि ब्रिटनमध्ये टेस्टिंग सुरू आहे पण लवकरच ते इतर देशांसाठीही जारी केले जाणार आहे. कोणत्या सेलिब्रिटींना त्यांचा आवाज ऐकायला मिळतो हे पाहणे भारतासाठी मनोरंजक असणार आहे.
