नवी दिल्ली : सध्या मार्केटमध्ये अनेक स्मार्टफोन उपलब्ध आहेत. त्यात आता प्रसिद्ध कंपनी POCO ने अखेर नवीन M सीरीज स्मार्टफोन M7 5G लाँच केला. कमी किमतीत बेस्ट फोन शोधणाऱ्या अशा यूजर्ससाठी कंपनीने हा नवा फोन आणला आहे. या फोनमध्ये 6.88 इंच HD+ स्क्रीन आहे जी 120Hz रिफ्रेश रेटसह मिळत आहे. यामध्ये ट्रिपल टीयूव्ही सर्टिफिकेट देण्यात आले आहे.
POCO च्या या नव्या स्मार्टफोनमध्ये 8MP सेल्फी कॅमेरासह नॉच देखील देण्यात आला आहे. तसेच, या फोनमध्ये Snapdragon 4 Gen 2 SoC प्रोसेसरचा सपोर्टही आहे. या फोनमध्ये 8GB रॅम देण्यात आली आहे जी 12GB पर्यंत वाढवता येते. POCO M7 हा फोन Xiaomi HyperOS सह Android 14 वर काम करतो. हा फोन 2 वर्षांच्या अँड्रॉईड अपडेटसह मिळत असल्याचा दावा कंपनीकडून करण्यात आला. यामध्ये 4 वर्षांसाठी सिक्युरिटी अपडेट्स दिले जातात.
POCO M7 5G मध्ये 50MP रिअर कॅमेरा देण्यात आला असून, जो Sony IMX852 सेन्सरसह मिळत आहे. या फोनमध्ये साईड माउंटेड फिंगरप्रिंट स्कॅनर आहे आणि 5160 mAh बॅटरीही देण्यात आली आहे. तसेच 18W फास्ट चार्जिंगची सुविधाही देण्यात आली आहे. या फोनसोबत बॉक्समध्ये 33W चार्जर देण्यात आला आहे.
POCO च्या M7 स्मार्टफोनमध्ये 6.88-इंच (1600 x 720 पिक्सेल) HD+ डिस्प्ले आहे. याव्यतिरिक्त, यात एक ऑक्टा-कोर स्नॅपड्रॅगन 4 Gen 2 (4nm) मोबाईल प्लॅटफॉर्म आहे जो Adreno 613 GPU सह येतो. फोनमध्ये ड्युअल सिम (नॅनो+नॅनो+मायक्रोएसडी), 50MP रिअर प्रायमरी कॅमेरा (f/1.8 अपर्चर) + सेकंडरी कॅमेरा, 8MP फ्रंट कॅमेरा (f/2.0 अपर्चर), साइड-माउंटेड फिंगरप्रिंट सेन्सर, 3.5mm ऑडिओ जॅक, FM रेडिओ, बॉटम-फायरिंग स्पीकरही मिळत आहे.
