नवी दिल्ली : सध्या अनेक स्मार्टफोन्स मार्केटमध्ये उपलब्ध आहेत. त्यातच प्रसिद्ध कंपनी Poco ने आपला नवा कोरा 5G स्मार्टफोन नुकताच लाँच केला. Poco ने F6 हा लाँच केला असून, हा स्मार्टफोन 5G तर आहेच शिवाय यामध्ये अनेक लेटेस्ट असे फिचर्स दिले आहेत.
Poco F6 हा स्मार्टफोन तुम्हाला ऑनलाईन 25,999 रुपयांमध्ये खरेदी करता येऊ शकणार आहे. हा स्मार्टफोन EMI वरही खरेदी करू शकता. या स्मार्टफोनमध्ये 1.5K रिज्युलेशनसह 6.67 इंच AMOLED डिस्प्ले देण्यात आला आहे. यामध्ये 120Hz रिफ्रेश रेट आणि 446 ppi पिक्सेल डेंसिटी आहे. याचा डिस्प्ले HDR10+, Dolby Vision आणि Widevine L1 ला सपोर्ट करतो. हा फोन 2,400 nits ची पीक ब्राइटनेस देते आणि यात कॉर्निंग गोरिल्ला ग्लास व्हिक्टस सुरक्षा आहे.
यातील विशेष बाब म्हणजे हा स्मार्टफोन 12 GB पर्यंत LPPDDR5x रॅमसह ऑक्टा-कोर 4nm स्नॅपड्रॅगन 8s Gen 3 चिपसेटवर चालतो. Poco F6 5G हा भारतातील असा पहिला फोन आहे, ज्यामध्ये स्नॅपड्रॅगन 8s Gen 3 प्रोसेसर आहे. जो गेमिंग आणि मल्टीटास्किंगसाठी हाय परफॉर्मन्ससाठी मदत करतो. सध्या याचा ग्राहकवर्गही मोठा असल्याचे आपल्याला पाहिला मिळते.
