सध्या टेक्नॉलॉजीच्या युगात अनेक गॅजेट्स लाँच केले जात आहेत. स्मार्टफोनचा वापरही मोठ्या प्रमाणात वाढला आहे. त्यात आता प्रसिद्ध स्मार्टफोन निर्माता कंपनी Poco ने आपल्या लोकप्रिय M सीरीजमध्ये आणखी एक नवीन स्मार्टफोन लाँच केला आहे. हा एक पॉकेट फ्रेंडली फोन आहे, ज्यामध्ये मोठा डिस्प्ले देण्यात आला आहे.
Poco चा हा स्मार्टफोन 5G असून, दोन रंगांमध्ये येतो. या स्मार्टफोनचं नाव आहे Poco 5G M6. हा फोन तीन रॅम आणि स्टोरेज पर्यायांमध्ये उपलब्ध आहे. 4GB RAM + 128GB स्टोरेज, 6GB RAM + 128GB स्टोरेज आणि 8GB RAM + 256GB स्टोरेज. त्यांच्या किमती अनुक्रमे 9,499 रुपये, 10,499 रुपये आणि 12,499 रुपये असणार आहेत. Poco M6 5G मध्ये मोठा 6.74 इंचाचा LCD डिस्प्ले देण्यात आला आहे, जो चांगल्या रिझोल्यूशनसह येतो.
Poco M6 5G मध्ये 5000mAh ची मोठी बॅटरी देण्यात आली आहे. ही बॅटरी इतकी पॉवरफुल आहे की, एकदा पूर्ण चार्ज केल्यावर ती दिवसभर टिकते. तुम्ही सकाळी फोन चार्ज केल्यास आणि रात्रीपर्यंत चार्ज न करता तो वापरू शकता. फोनसोबत येणारा चार्जर फक्त 10W आहे, ज्यामुळे फोन पूर्णपणे चार्ज होण्यासाठी बराच वेळ लागतो.
