नवी दिल्ली : सध्या मार्केटमध्ये अनेक स्मार्टफोन्स उपलब्ध आहेत. ग्राहकांच्या पसंतीनुसार कंपन्यांकडून त्यामध्ये विशेष फीचर्सही दिले जात आहेत. असे असताना आता प्रसिद्ध स्मार्टफोन निर्माता कंपनी OPPO ने आपला नवीन 5G स्मार्टफोन K12x लाँच केला आहे. यामध्ये 5100mAh बॅटरीसह अनेक बेस्ट फीचर्स देण्यात आले आहेत.
OPPO च्या K12x 5G मध्ये चांगला दर्जेदार कॅमेरा, दमदार बॅटरीसह इतर अनेक फीचर्स आहेत. OPPO K12x 5G या स्मार्टफोनमध्ये 360 डिग्री डॅमेजप्रूफ आर्म बॉडी दिली गेली आहे. त्यामुळे फोन खाली पडला तरीही आपल्याला जास्त काळजी करण्याची गरज नाही. या स्मार्टफोनमध्ये अ‍ॅलोय फ्रेम देण्यात आली आहे. या फोनसह बॉक्स एक्सक्लुझिव्ह हाय व्हॅल्यू अँटी-ड्रॉप शील्ड केस देण्यात आली आहे. ज्यामुळे फोनला ऍडिशनल प्रोटेक्शन मिळू शकते.
या स्मार्टफोनमध्ये 5100mAh ची दमदार बॅटरी देण्यात आली असून, त्याच्या माध्यमातून 335 तास कॉलचा अनुभव घेता येऊ शकणार आहे. याशिवाय, यूट्यूबवर 15.77 तास व्हिडिओ पाहता येणार आहे.
