नवी दिल्ली : प्रसिद्ध कंपनी Apple ने नवीन iPhones म्हणजेच iPhone 16 सीरीज लाँच केली आहे. या स्मार्टफोन्सची प्री-ऑर्डर 13 सप्टेंबरपासून सुरू झाली आहे. Apple च्या प्रीमियम रिटेल भागीदारांनी देखील या सीरीजसंदर्भात ऑफर जाहीर केल्या आहेत.
Imagine ने नवीन ऑफर जाहीर केल्या आहेत. या ऑफरनुसार, तुम्ही Imagine स्टोअर्समधून iPhone 16 आणि iPhone 16 Pro प्री-बुक करू शकता. प्री-बुकिंग करणाऱ्या ग्राहकांना कंपनी अतिरिक्त लाभ देत आहे. Apple च्या प्रीमियम रिटेल पार्टनरने प्री-बुकिंग सुरु केले आहे. त्यानुसार, युजर्स केवळ 5000 रुपये खर्च करून iPhone 16 आणि iPhone 16 Pro बुक करू शकतील.
या प्री-बुकिंगसोबतच, इमॅजिन ग्राहकांना व्हाउचर आणि रिवॉर्ड्स ऑफर करेल. कंपनीने नवीन डिझाईनसह iPhone 16 आणि iPhone 16 Plus लाँच केले आहेत. या दोन्ही फोनमध्ये तुम्हाला व्हर्टिकल कॅमेरा मॉड्यूल मिळेल. यात 48MP + 12MP ड्युअल रियर आणि 12MP फ्रंट कॅमेरा देण्यात आला आहे. हे स्मार्टफोन A18 प्रोसेसरसह येतात.
