नवी दिल्ली : सध्या नवनवीन स्मार्टफोन मार्केटमध्ये उपलब्ध होत आहेत, जे कमी किमतीत उत्तम फीचर्ससह आहेत. हे फोन्स 15000 रुपयांपेक्षा कमी किमतीत आणि जबरदस्त फिचर्स मिळत आहेत. विशेष बाब म्हणजे या स्मार्टफोन्सची रॅम 6GB पर्यंत मिळू शकणार आहे.
सध्या बजेट कॅटेगरीमध्ये Lava फोन्सनाही खूप पसंती दिली जात आहे. Lava चा हा स्मार्टफोन 6GB रॅम आणि 64GB स्टोरेजसह मार्केटमध्ये लाँच करण्यात आला आहे. यामध्ये MediaTek Helio G35 ऑक्टा कोअर चिपसेट प्रोसेसर आहे. यात 13+5+2MP सह ट्रिपल रिअर कॅमेरा सेटअप आहे आणि सेल्फीसाठी चांगला फ्रंट कॅमेरा आहे. या स्मार्टफोनची किंमत सुमारे 10,000 रुपये आहे.
Oppo कंपनीचे स्मार्टफोन्स बजेट मार्केटमध्ये उपलब्ध आहेत. Oppo चा हा फोन अत्याधुनिक फीचर्सने उपयुक्त आहे. 6.5 इंच डिस्प्ले असलेल्या या फोनमध्ये 6GB रॅम आणि 128GB स्टोरेज आहे. हा फोन MediaTek 6765 ऑक्टा-कोर प्रोसेसरसह मिळतो. यामध्ये 12+2+2 MP रियर कॅमेरा सेटअप आणि 8 मेगापिक्सेल फ्रंट कॅमेरा आहे. या फोनची किंमत जवळपास 12,000 रुपये आहे.
चीनी स्मार्टफोन निर्माता कंपनी रेडमीचा हा स्मार्टफोन 6.53 इंचासह उपलब्ध आहे. यात 6GB रॅम आणि 128GB स्टोरेज आहे. स्मार्टफोनमध्ये Snap Dragon 762 प्रोसेसर आहे. 48 मेगापिक्सेल रियर कॅमेरा सेटअप आणि 8 मेगापिक्सेल फ्रंट कॅमेरा असलेला हा फोन जवळपास 13,000 रुपयांना मिळणार आहे.
