नवी दिल्ली : लॅपटॉप घेण्याचा विचार करत असाल तर तुम्ही JioBook वर उपलब्ध ऑफरचा लाभ घेऊ शकता. कंपनीने गेल्या वर्षी हा डिव्हाईस लाँच केला होता, जो आकर्षक किंमतीत उपलब्ध करण्यात आला आहे. कंपनीने त्याच्या किंमतींमध्ये मोठी कपात केली आहे. त्यानुसार, आता हा लॅपटॉप 12 हजार रुपयांना मिळणार आहे.
JioBook चा हा लॅपटॉप तुम्ही Amazon.in आणि Reliance Digital वरून खरेदी करू शकता. कंपनीने हा लॅपटॉप 2023 मध्ये 16,499 रुपयांच्या किमतीत लाँच केला होता. सध्या हा डिव्हाईस Amazon वर 12,890 रुपयांच्या किमतीत लिस्ट झाला आहे. या किंमतीत तुम्हाला 64 GB स्टोरेज आणि 4 GB रॅमसह व्हेरिएंट मिळणार आहे. तुम्ही हा डिव्हाईस EMI वर देखील खरेदी करू शकता.
JioBook 11 हा Android आधारित 4G लॅपटॉप आहे. यामध्ये कंपनीने MediaTek 8788 प्रोसेसर दिला आहे. हा डिव्हाईस Jio OS वर काम करतो. तुम्ही हा लॅपटॉप 4G मोबाईल नेटवर्कशी कनेक्ट करू शकता. याशिवाय यामध्ये वाय-फाय कनेक्टिव्हिटीही उपलब्ध आहे. यात 11.6-इंचाचा डिस्प्ले आहे.
