Apple iPhone 16 Price : ॲपल कंपनीने नुकतीच आयफोन 16 या नव्या मोबाईल फोन मॉडेल लॉन्च केले आहे. या सिरीजअंतर्गत ॲपलने आयफोन 16, आयफोन 16 प्लस, आयफोन 16 प्रो आणि आयफोन 16 प्रो मॅक्स असे एकूण चार फोन आणले आहेत. या चारही फोनमध्ये दमदार फिचर्स आहेत. नव्या आयफोनची प्री बुकिंग 13 सप्टेंबरपासून सुरू होणार असून 20 सप्टेंबरपासून विक्री करण्यात येईल, अशी माहिती मिळत आहे.
दरम्यान, आयफोनची ही नवी सिरीज लॉन्च होताच ॲपल कंपनीने आपल्या याआधीच्या फोनच्या किमतीत मोठी सूट देण्याचा निर्णय घेतला आहे. आयफोन 15, आयफोन 14 या फोनमध्ये बम्पर सूट देण्यात आली आहे.
iPhone 16 सिरीजची किंमत काय आहे? :
भारतात iPhone 16 ची (128 जीबी) किंमत 79,900 पासून सुरू होईल. त्यानंतर 256 आणि 512 जीबी स्टोरेजची किंमत यापेक्षा पुढे असेल. आयफोन 16 प्लसची किंमत 89,900 रुपये, तर आयफोन 16 प्रोची किंमत 1,34,990 रुपये आणि आयफोन 16 प्रो मॅक्स 1,59,000 रुपये असेल. चारही मॉडेलची ही मुळ किंमत असून स्टोरेजच्या पर्यायानुसार किंमत वाढेल.
iPhone 15 सिरीजची किंमत काय आहे? :
आयफोन 16 सिरीज लाँच होताच ॲपल कंपनीने जुन्या फोनच्या किमतीत देखील घट केली आहे. कंपनीने आता आयफोन 15 आणि आयफोन 15 प्लस या मॉडेल्सवर ॲपल कंपनीने तब्बल 10,000 रुपयांची कायमस्वरुपी सूट दिली आहे. त्यामुळे आता iPhone 15 हा स्मार्टफोन 69,900 रुपयांना मिळत आहे. या सोबतच बँक डिस्काउन्ट, एक्स्चेंज ऑफर आदी लाभ देखील मिळणार आहे. तर iPhone 15 Plus या स्मार्टफोनसाठी किंमत आता 79,900 रुपये आहे.
iPhone 14 सिरीजची किंमत काय आहे? :
कंपनीने आयफोन 14 आणि आयफोन 14 प्लस या मॉडेलची देखील किंमत कमी केली आहे. ॲपल कंपनीचे हे दोन्ही स्मार्टफोन 2022 साली लाँच करण्यात आले होते. त्यावेळी या दोन्ही मोबाईल्सची किंमत गेल्या वर्षी तब्बल 10,000 रुपयांनी कमी केली होती.
अशातच आता ॲपल कंपनीने पुन्हा एकदा या दोन्ही मॉडेल्सची किंमत 10,000 रुपयांनी कमी केली आहे. याशिवाय या दोन्ही फोनच्या खरेदीवर आता 4,000 रुपयांचे बँक डिस्काउंट देखील दिले जात आहे. त्यामुळे आता iPhone 14 हा फोन 59,900 रुपयांना मिळत आहे. तर iPhone 14 Plus हा फोन 69,900 रुपयांना मिळत आहे.
