मुंबई : ॲपलने नुकताच आपला नवीन iPad लाँच केला आहे. कंपनीने या महिन्याच्या सुरुवातीला Apple iPad Mini 7 लाँच केला आहे. जो शक्तिशाली फीचर्ससह उपलब्ध करून देण्यात आला आहे. हा फोन भारतासह 29 देशांमध्ये विक्रीसाठी उपलब्ध असणार आहे. Apple iPad Mini 7 मध्ये 8.3-इंच लिक्विड रेटिना डिस्प्ले देण्यात आला आहे.
या फोनमध्ये Apple चा A17 Pro प्रोसेसर आहे. हा टॅबलेट Apple Pencil Pro च्या सपोर्टसह मिळत आहे. यामध्ये तुम्हाला iPad OS 18 मिळणार आहे. त्याच्या विक्रीलाही सुरुवात झाली आहे. वाय-फाय व्हेरिएंट 49,900 रुपयांच्या सुरुवातीच्या किंमतीत उपलब्ध आहे. तर सेल्युलर व्हेरिएंटची किंमत 64,900 रुपयांपासून सुरू होते. या किंमती iPad Mini 7 च्या 128GB स्टोरेज व्हेरियंटसाठी आहेत.
हा डिव्हाईस चार रंगांच्या पर्यायांमध्ये मिळत आहे. ज्यामध्ये निळा आणि जांभळा पर्याय देखील समाविष्ट आहे. हा टॅबलेट Apple च्या अधिकृत वेबसाईट, स्टोअर्स आणि इतर अधिकृत ऑनलाईन आणि ऑफलाईन चॅनेलवरून खरेदी केला जाऊ शकतो. यावर 3 हजार रुपयांचा झटपट कॅशबॅक देखील उपलब्ध आहे. याची स्क्रीन 500 Nits च्या पीक ब्राइटनेससह येते. या वर्षाच्या सुरुवातीला लाँच झालेल्या Apple Pencil Pro साठी देखील यात सपोर्ट आहे.
