नवी दिल्ली : सध्या अनेक नवनवीन स्मार्टफोन लाँच केले जात आहेत. पण त्याच्या किमतीही जास्त आहेत. त्यामुळे बजेट कमी असणाऱ्यांसाठी कोणता फोन घ्यावा हा प्रश्न असतो. मात्र, प्रसिद्ध स्मार्टफोन निर्माता कंपनी Infinix आपला नवा Hot 9 Pro लाँच करण्याच्या तयारीत आहे. या स्मार्टफोनमध्ये अनेक विशेष असे फिचर्स देण्यात आले आहेत.
Infinix च्या नव्या Hot 9 Pro मध्ये 4 GB RAM देण्यात आली असून, 64 GB ROM असणार आहे. तर 256 GB पर्यंत मेमरी वाढवता येणार आहे. याशिवाय, हा स्मार्टफोन 16.76 cm (6.6 inch) HD+ Display सह येणार आहे. या स्मार्टफोनमध्ये 48 MP + 2 MP + 2 MP + Low Light Sensor, 8 MP चा फ्रंट कॅमेरा असणार आहे. तसेच 5000 mAh Li-ion Polymer Battery ही देण्यात आली आहे. तर MediaTek Helio P22 (64 bit) Processor असेल.
या स्मार्टफोनमध्ये अनेक लेटेस्ट असे फिचर देण्यात आले आहेत. सध्या हा स्मार्टफोन Violet रंगात उपलब्ध होणार असून, यात 64 GB इंटरनल स्टोरेज तर 4 GB RAM असणार आहे. हा स्मार्टफोन 10 ते 12 हजारांपर्यंत मिळण्याची शक्यता आहे.
