नवी दिल्ली : चायनाची प्रसिद्ध कंपनी Huawei ने आपल्या नवीन स्मार्टफोन्सची सीरीज लाँच केली. Huawei Mate 70 ही लाँच केलेली सीरीज असून, या सीरीजमध्ये कंपनीने चार स्मार्टफोन्स आणले आहेत. Mate 70, Mate 70 Pro, Mate 70 Pro+ आणि Mate 70 RS असे हे स्मार्टफोन्स दमदार फीचर्ससह येत आहेत.
या स्मार्टफोन्समध्ये 6.9-इंचाचा OLED डिस्प्ले देण्यात आला असून, स्मार्टफोन HarmonyOS 4.3 वर काम करतो. यामध्ये 50MP मुख्य लेन्स, 40MP अल्ट्रा वाईड अँगल लेन्स आणि 48MP टेलिफोटो कॅमेरा लेन्स देण्यात आला आहे. Huawei चे नवीन फोन 5700mAh बॅटरीसह मिळत आहेत. हे स्मार्टफोन्स चीनमध्ये HarmonyOS 4.3 सह लाँच करण्यात आले आहेत.
Mate 70 ची किंमत 5499 युआन (जवळपास 64 हजार रुपये) पासून सुरू होते. तर Mate 70 Pro ची किंमत 6499 युआन (अंदाजे रु. 75,700), Mate 70 Pro+ आणि Mate 70 RS ची किंमत 8499 युआन (अंदाजे रु. 99 हजार) आणि 11,999 युआन (अंदाजे रु. 1,039) पासून सुरू होते. हे सर्व फोन चीनमध्ये उपलब्ध करण्यात आले आहेत. आता लवकरच हे स्मार्टफोन्स भारतातही आणले जाणार असल्याचे सांगण्यात आले आहे.
