नवी दिल्ली : प्रसिद्ध कंपनी Zebronics ने सर्वात बेस्ट असा ZEB-AEON वायरलेस हेडफोन लाँच केला आहे. या हेडफोनच्या माध्यमातून उत्तर बॅटरी बॅकअपही मिळू शकतो. पूर्ण चार्ज केल्यावर 110 तासांचा बॅकअप मिळत असल्याचा कंपनीचा दावा आहे. याशिवाय यामध्ये फास्ट चार्जिंगसाठी सपोर्टही देण्यात आला आहे.
सध्या कंपनीने चांगल्या कॉलिंगसाठी यामध्ये इन-बिल्ट माईक आणि अॅक्टिव्ह नॉईज कॅन्सलेशन (ANC) आणि एनव्हार्मेटल नॉईज कॅन्सलेशन (ENC) या दोन्ही फिचर्स देण्यात आले आहेत. कंपनीने याला एर्गोनॉमिकली फोल्डेबल डिझाईनसह आणले आहे. हे खूप हलके आहे आणि मऊ इअर कुशनसह उपलब्ध आहे. यात 40mm डायनॅमिक ड्रायव्हर आहे, ज्याद्वारे क्रिस्प ऑडिओ गुणवत्तेत गाणी ऐकता येऊ शकतात.
स्पेशल गेमिंग मोडसोबतच या हेडफोनमध्ये लो-लेटन्सीचाही फायदा आहे. हे ब्लूटूथ v5.3 सह ड्युअल पेअरिंगला सपोर्ट करते. 3.5mm AUX इनपुटचा पर्यायदेखील आहे आणि ते वायर्ड हेडफोन म्हणून देखील वापरले जाऊ शकतात. यात गुगल असिस्टंट, सिरीला सपोर्ट आहे आणि चार्जिंगसाठी टाइप-सी कनेक्टिव्हिटी आहे. हा एक बेस्ट असा हेडफोन ठरत आहे.
